कालिकोट – कालिकोटको शुभकालिका गाउँपालिका-७ ले वडाभित्र विवाहसम्बन्धी नयाँ नियम लागु गरेको छ ।
अबदेखि विवाह गर्नुभन्दा पहिला नै वडाको सिफारिस लिनुपर्ने नियम लागु गरिएको प्रेमबहादुर शाहीले जानकारी दिए ।

उनका अनुसार वडामा कानुन विपरीत हुने बाल विवाह निषेध गर्न यो नियम लागु गरिएको हो । वडामा बसेको वडा समितिको बैठकले अब वडाभित्र वैवाहिक कार्य गर्नुपर्ने भएमा त्यस पूर्व नै वडा कार्यालयबाट अनुमति पत्र लिने नियम लागु गरिएको उनको भनाई छ ।

साथै ३५ दिनभित्र गर्नुपर्ने विवाह दर्ता गर्न आउँदा वडा कार्यालयबाट जारी गरिएको अनुमति पत्र अनिवार्य रूपमा लिएर आउनु समेत अनुरोध गरिएको उनले बताए ।
२० वर्ष पछि विवाह गर्दा वडापालिकाले दस हजार पुरस्कार दिदै आएकाे छ ।
यसअघि साेहि पालिकाकाे ४ नम्बर वडाले बिवाहा गर्न पुर्व वडाकाे सिफारिस अनिवार्य लागू गरिसकेको छ ।
कालिकोटमा पहिलेकाे तुलनामा पछिल्लो समय बिभिन्न संघ संस्थाहरूकाे सहयाेगमा बाल बिवाह न्युनिकरण हुँदै आएका छन ।